კვლევა

სსიპ  ამბროლაურის   მუნიციპალიტეტის  ბოსტანის  საჯარო  სკოლა

        პედაგოგიური პრაქტიკის კვლევა

      (რუსუდან ჯოხაძე-----მათემატიკის  მასწავლებელი)

       ,,ისტ-ტექნოლოგიების   როლი                  მათემატიკის  სწავლა-სწავლების  დროს“

                         

                            1.  აბსტრაქტი                                                           პედაგოგიური პრაქტიკის  კვლევა  ,,ისტ-ტექნოლოგიების  როლი მათემატიკის   სწავლა-სწავლების  დროს“  განხორციელდა  სსიპ ამბროლაურის  მუნიციპალიტეტის   სოფელ   ბოსტანის   საჯარო     სკოლაში    V, VII, VIII  კლასის   ბაზაზე,   უფროსი  მასწავლებლის   რუსუდან   ჯოხაძის   მიერ.                                                                                                                                                             პრობლემის  არსი:   უკანასკნელ   წლებში,     მოსწავლეთა  უმრავლესობაში შეინიშნება  მათემატიკის  სწავლა-სწავლების  დაბალი  ხარისხი   და  მოტივაცია.  

კვლევის   მიზანი:                                                                                                                                1.  მოსწავლეებში  მათემატიკის სწავლა-სწავლების  ხარისხისა  და მოტივაციის  დაქვეითების  გამომწვევი მიზეზების  დადგენა.                                                                                2.  შ ესაბამისი  ინტერვენციების  დაგეგმვა-განხორციელება.                                                     3.  მიღებული  შედეგების  შეფასება.                                                                                                  4.  სამომავლო  გეგმის   შემუშავება და  გრძელვადიანი  აქტივობების  დაგეგმვა.                                                                                                                                     

ვადები:                                                                                                                                                                  2018  წლის  ოქტომბერი   -  2019  წლის  მაისი.

მიზნობრივი  ჯგუფი:

კლასი	მოსწავლეთა  რაოდენობა
V	1
VII	1
VIII	3

                            შესავალი

   რა შეიძლება იყოს დღეს უფრო ეფექტური და ხელმისაწვდომი,  ვიდრე  სასწავლო პროცესში  თანამედროვე  ტექნოლოგიების  გამოყენებაა?      თანამედროვე ტექნოლოგიების გამოყენებით , მასწავლებელს აქვს  შესაძლებლობა არა  მხოლოდ  უკეთ  გაერკვეს საჭიროების  არსში, არამედ  მიაგნოს ინოვაციურ მეთოდებს და ამით ხელი შეუწყოს მოსაწავლეთა სხვადასხვა  უნარების განვითარებას,  მოსწავლეთა მოტივაციის ამაღლებასა და  მათ  სტიმულირებას  სასწავლო   პროცესში.                                                            განათლების  მესვეურები  ბევრს ფიქრობენ იმის  შესახებ,  თუ  როგორ  აამაღლონ  მოსწავლეთა სწავლა-სწავლების   ხარისხი  და მოტივაცია მათემატიკაში. მრავალი   კვლევის    შედეგად    დგინდება,   რომ    მათემატიკის    სწავლა-სწავლებაში  ფუნდამენტური  ცვლილებებია   საჭირო  იმისათვის,რომ  მოსწავლეთა  ცოდნა   არ  იყოს  ზედაპირული.  რამდენად  მნიშვნელოვანია  ინფორმაციულ-საკომუნიკაციო   ტექნოლოგიების  გამოყენება   თანამედროვე  საგაკვეთილო  პროცესში,  როგორ  და რა სიხშირითაა  მისი    გამოყენება  სასურველი  სწავლა-სწავლების  ხარისხის  ამაღლებისათვის,   უწყობს    თუ    არა    ხელს    ისტ -  რესურსის    გამოყენება    მოსწავლეებში  ეროვნული   სასწავლო  გეგმით   გათვალისწინებული  გამჭოლი   კომპეტეციების   განვითარებას,   რა  უნარების   განვითარებას   უწყობს   ხელს  მისი   გამოყენება   მოსწავლეებში--ეს  ძირითადი  საკითხებია,  რაც  საფუძვლად  დაედო   მოცემულ    კვლევას.                                                                                                                                     კომპიუტერი  21-ე  საუკუნის   სასკოლო   განათლების   ერთ-ერთი   უმნიშვნელოვანესი  გამოწვევაა. მოსწავლეთა  უმრავლესობა   თანამედროვე  ტექნოლოგიებს   კარგად ფლობს  და  მათი   ცხოვრების   განუყოფელ    ნაწილს      წარმოადგენს.     მათი  სკოლისგარეშე  დროის  დიდი ნაწილი  კომპიუტერებს   უკავშირდება,  ამიტომ   მასწავლებლის,  როგორც   ფასილიტატორის  როლი  იმაშია,  რომ  სწორად  წარმართოს   მოსწავლეთა  მიერ  კომპიუტერის   გამოყენების  უნარი,  და   თუ  როგორ  მოხდება  მოსწავლეთა  ამ  უნარების     გამოყენება   მათ  სასარგებლოდ,  ეს   თითოეულ  პედაგოგზეა  დამოკიდებული.     ამ  თვალსაზრისით   საჭიროდ  ჩავთვალე,  ჩამეტარებინა კვლევა იმ კლასებში,  რომელსაც   ვასწავლი, იმის   შესახებ  თუ  რამდენად აამაღლებს  მოსწავლეებში  ისტ-ტექნოლოგიების     ხშირი   გამოყენება   მათემატიკის  სწავლა- სწავლების   ხარისხს  და  მოტივაციას.  ამ კლასებში    კვლევის    ჩატარების     სტიმული  იმანაც  მომცა, რომ  მათ    ვასწავლიდი,  რაც  საკითხის   სიღრმისეული   კვლევის   საშუალებას    მაძლევდა     და   დასკვნებიც  უფრო  რეალური  იქნებოდა.     კვლევაში   მონაწილეობდა   5   მოსწავლე.    გამოყენებული    იქნა     კვლევის     რაოდენობრივი   და   თვისობრივი  მეთოდები.   შემდეგ    შემუშავებული    იქნა   კითხვარები   და  განხორციელდა,   როგორც    მოსწავლეების,    ასევე    მშობლების  ანკეტირება.  მომდევნო  ეტაპზე მოსწავლეების    და  მშობლების   მონაწილეობით  ჩამოყალიბდა   ფოკუს-ჯგუფები.მათზე  წარმოებული  იქნა  დაკვირვება.  დამუშავდა  მოპოვებული  ინფორმაცია,  დაიგეგმა  და  განხორციელდა   ინტერვენციები,  რომლებიც   მიზნად   ისახავდა   მოსწავლეებში   მათემატიკის   სწავლა-სწავლების   ხარისხის  გაუმჯობესებას   და  მოტივაციის   გაზრდას.                                       დაგეგმილი   ინტერვენციების   შეფასების   შედეგად    დაიგეგმა   დადებითი  ტენდეციები. ბავშვებმა    განიცადეს   მნიშვნელოვანი   პროგრესი, დაფიქსირდა უკეთესი  შედეგები. კვლევის   შედეგად   დადგინდა,   რომ   გაუმჯობესდა  მოსწავლეთა  აკადემიური   მოსწრება    და   მათი   მიდგომა   ამ   საგნის   მიმართ.                                                     ვფიქრობ,   მათემატიკის   სწავლა-სწავლების   ხარისხის   გასაუმჯობესებლად,  მნიშვნელოვანია  ზუსტი  პრობლემის  იდენტიფიცირება,  მათ  შორის   ერთ-ერთი  საუკეთესოა  ისტ-ტექნოლოგიების   როლი   სწავლის  პროცესში. სკოლა  აღჭურვილია   სათანადო    კომპიუტერული  ტექნიკით,  რაც ყველაზე  მნიშვნელოვანი  პირობა  იყო     მიზნის  მიღწევისათვის.                                                                                                                       

სარჩევი                                                                                                                1.   აბსტრაქტი     ------------------------------------------------------------------  2                           2.    შესავალი        -------------------------------------------------------------------------  2                 3.    თავი I.   საკვლევი  საკითხის  მიმოხილვა   -------------------------------------   4                 1.1   საკვლევი   საკითხი   ---------------------------------------------------------------- 4                 1.2   მათემატიკის  სწავლა-სწავლებასთან  დაკავშირებული  პრობლემა ---------  5                1.3   პრობლემის  აქტუალობა  ----------------------------------------------------------- 5                1.4   კვლევის  მიზანი      ------------------------------------------------------------------ 5                1.5   კვლევის   ამოცანები  ---------------------------------------------------------------- 5                4.    თავი  II.   ლიტერატურული  მიმოხილვა   ---------------------------------------  6                5.    თავი   III.  კვლევის   დიზაინი    ---------------------------------------------------  7                3.1  კვლევის   სამიზნე   ჯგუფი     ------------------------------------------------------  8                3.2  კვლევის   ვადები     ------------------------------------------------------------------  8                3.3  კვლევის  კითხვარები   --------------------------------------------------------------  8                6.   თავიIV.  კვლევის   შედეგები  ------------------------------------------------------   9                4.1   კვლევის   ჯგუფის  მუშაობა   -----------------------------------------------------   9                4.2   მონაცემთა   ანალიზი  დიაგრამები  ----------------------------------------------- 10              4.3   მოსწავლეთა   ანკეტირების  შეჯამება   ------------------------------------------- 13              4.4   მონაცემთა   ანალიზი  მშობელთა       --------------------------------------------- 13              4.5   მშობელთა  ანკეტირების  შეჯამება    --------------------------------------------- 14              4.6   მოსწავლეთა  და  მშობელთა   ფოკუს   ჯგუფების  ანალიზი  ----------------- 15              7.    თავიV.ინტერვენციები    ------------------------------------------------------------ 15              5.1  დაგეგმვის   ეტაპები     ----------------------------------------------------------------15              I    ინტერვენცია      -------------------------------------------------------------------------15              II  ინტერვენცია       ----------------------------------------------------------------------- 16              III  ინტერვენცია    -------------------------------------------------------------------------17              8.   თავიVI.     დასკვნა    -------------------------------------------------------------------17           9.   თავი  VII. რეკომენდაციები    --------------------------------------------------------18             10.  თავი  VIII.   გამოყენებული  ლიტერატურა --------------------------------------18           11. დანართი  1  -----------------------------------------------------------------------------18             12 .დანართი  2 -----------------------------------------------------------------                                13.  რეფლექსია   ----------------------------------------------------------------------------20

თავი I. საკვლევი  საკითხის  მიმოხილვა.                                                                    

 1.1    საკვლევი  საკითხი.                                                                                               კვლევა  ჩატარდა  სსიპ  ამბროლაურის  მუნიციპალიტეტის   სოფ.  ბოსტანის    საჯარო  სკოლაში.  ისეთ   პრობლემატურ   საკითხზე  როგორიცაა  მოტივაციისა  და  ინტერესის   გაღვივება  მათემატიკის  ხარისხიანად  სწავლა-სწავლებისათვის.  მიზნად  დავისახე     მოცემული   პრობლემის  დროულად  აღმოფხვრა და მისი  გამოსწორება.   ყოველივე   ეს   კი  სასიკეთოდ  წაადგება    ჩვენს  მომავალ  თაობას   და რა  თქმა   უნდა   ჩვენს   ქვეყანას.                                                                                                                                              

1.2   მათემატიკის   სწავლა-სწავლებასთან  დაკავშირებული  პრობლემა.                                                                                                               პრობლემის  ანალიზი:    მათემატიკა  გამოყენებითი  მეცნიერების    დარგია,  შესაბამისად,     ვიდრე   ამ  საგნის    გამოყენებით    მხარეს  დაეუფლებიან,   მისი  სწავლების   პროცესში მოსწავლეთა  ინტერესი კლებულობს,  განსაკუთრებით  იმ  დროს  უფრო,  როცა   საკითხები  ღრმავდება   და   სცდება  მარტივ   გამოთვლებს.  მოგეხსენებათ  ეს  დრო  საბაზო  საფეხურიდან    დგება;  აქ  იწყება    ფუნდამენტური   საკითხების  შესწავლა   და    შესაბამისად   სირთულეებიც  მეტია.  რისი  ასახვა  შეფასებაზეც   აუცილებლად   ხდება.  შესაბამისად,     ჩნდება     ნიშნებთან    პრობლემები. მოტივაცია  ნაკლები  აქვთ ამ  დროს  და  ა.  შ.                             

1.3    პრობლემის  აქტუალობა.                                                                       კვლევები ადასტურებს,  რომ  ტექნიკური  საგნების   მიმართ   დაინტერესება,  მათ  შორის  მათემატიკისაც    ნაკლებია.  მოტივაცია  მისი  სწავლის  მიმართ  დაბალია,  რაც   ეროვნულ  გამოცდებზეც  აისახება. (ეროვნულ  გამოცდებზე  მათემატიკას  ჩასაბარებლად    ნაკლები   რაოდენობის   აბიტურიენტი     ირჩევს).                        

 1.4      კვლევის  მიზანი:                                                                                            დადგინდეს  მათემატიკის     სწავლა-სწავლებაში    დაბალი  ხარისხისა   და    მოტივაციის    მიზეზები.      გამოინახოს  პრობლემის  გადაჭრის  ოპტიმალური   გზები,  შემუშავებულ  იქნას   რეკომენდაციები,       დაიგეგმოს  და    განხორციელდეს  ინტერვენციები,  რომლებიც   ხელს   შეუწყობს  მოსწავლეებში   მათემატიკის   სწავლა-სწავლების   ხარისხისა  და  მოტივაციის  ამაღლებას.    მოსწავლეებმა   მიიღონ    სისტემური    მათემატიკური     ცოდნა,  დაეუფლონ   ზეპირ   და   წერით   მათემატიკურ   უნივერსალურ   ენას.                                                                                                                              

 1.5  კვლევის  ამოცანები:                                                                                       . . .   ა)  პრობლემის   გამომწვევი  მიზეზების  გამოკვლევა.                                                                                         

  ბ)   ფოკუს-ჯგუფების   შექმნა                                                                                                             გ)  მოსწავლეების  და  მშობლების  ანკეტირება.                                                                                        

დ)  ინტერვენციების  დაგეგმვა -  განხორციელება.                                                                                    

ე)    მონაცემთა  ანალიზის  გაკეთება.                                                                                                           

ვ)   შედეგების   შეჯამება  და  დასკვნების   გაკეთება.                                                                           

ზ)   რეკომენდაციების  გაცემა.

თავი  II.   ლიტერატურული  მიმოხილვა.                                              

    თანამედროვე     ტექნოლოგიების  გამოყენება,  განსაკუთრებით   აქტუალურია  მათემატიკის    სწავლებაში.  ინფორმაციული  ტექნოლოგიები  ხელს   უწყობს  მოსწავლეთა   მოტივაციის   გაზრდას,   მოსწავლეთა  ჩართვას   სწავლა-სწავლების პროცესში და  ეროვნული  სასწავლო   გეგმით  გათვალისწინებული  საკითხების  უკეთ  გაგება-გააზრებას.                                                                                                                                          პიაჟემ  აღმოაჩინა,  რომ  ბავშვები  პირველად  ავითარებენ  კონკრეტულ   იდეებს  და  შემდეგ    აღწევენ   აბსტრაქტულობას   (პიაჯე,  1970) . სასწავლო   გარემოს   შექმნაში  ხშირად   სასარგებლოა   ამ  პრინციპის  პირიქით   გამოყენება:  ,,იმისათვის,  რომ   დაეხმაროთ  მოსწავლეებს   აბსტრაქტული   იდეის   შესწავლაში,  მიაწოდეთ  მათ     მეტი  მატერიალური  ვიზუალიზაცია“.                                                                                                ,,მოტივაციის   ამაღლებისათვის   მასწავლებელმა  მრავალგვარ  სტრატეგიას  შეიძლება   მიმართოს,  მაგრამ  ყოველთვის  უნდა  ითვალისწინებდეს  ასაკობრივი  ჯგუფისა  და კონკრეტული   მოსწავლის   ხასიათის  თუ  მუშაობის   სტილის   თავისებურებებს“.--ამ  სიტყვებს მასწავლებელთა   პროფესიული   განვითარების    ცენტრის    მიერ  გამოცემული   სახელმძღვანელოს   ,,ძირითად  დასკვნებში  და  რეკომენდაციებში“  ამოვიკითხავთ.  მასწავლებლისათვის  არც  ისაა   უცხო,  რომ  ,,პედაგოგი  სისტემატიურად და  გეგმაზომიერად  უნდა  მუშაობდეს  მოტივაციის  ამაღლებაზე. ამ  ტიპის   სამუშაოები  მას   მიზნობრივად  და   თანმიმდევრულად  უნდა   ჰქონდეს   დაგეგმილი  სასწავლო  პროგრამაში“.                                                                                ათასწლეულის  გამოწვევის  ფონდის   ფარგლებში   საქართველოს   სკოლებში   განხორციელდა  მოსწავლეზე  ორიენტირებული  სასწავლო   გარემოს  შესაბამისი  ტრენინგ-კურსი   მათემატიკაში,  სადაც   დეტალურადაა  აღწერილი  ვირტუალური  საკლასო  ოთახის   შექმნისა  და  ამ  საკლასო  ოთახში  სხვადასხვა   რესურსების   შექმნისა  და  გამოყენების,  მისი  გაზიარების   შესახებ.  ტრენინგ-კურსის   გავლის    შემდეგ  კიდევ   მეტად    დავინტერესდი   ამ  მასალით. მოსწავლეებზე   სხვადასხვა   პროგრამების   (ისტ-ტექნოლოგიების  გამოყენებით)   შეთავაზებაა   შესაძლებელი,  რაც   აამაღლებს    მათი  სწავლის  მოტივაციას.                                                                                   ჯურნალ     მასწავლებელში   ხშირად   იბეჭდება  მასწავლებელთა  გამოცდილების  შესახებ  სტატიები,  ისინი  გვიზიარებენ  თავის    საუკეთესო  გამოცდილებას   ტექნოლოგიების   გამოყენების  შესახებ.  სისტემატიურად  ვეცნობი   ამ  მასალებს,  რაც  კიდევ   მეტად  დამეხმარება   ჩემი   სასწავლო   პრაქტიკის   გაუმჯობესების  საკითხებში.                                                                                                                                                ჩემი   ნაშრომი   არის    პრაქტიკული  კვლევის   ანგარიში,   რომელშიც   გამოკვეთილია   ის  ძირითადი  საკითხები,  რომლებიც   ხელს   უწყობს  ტექნოლოგიების   მიზნობრივ   გამოყენებას  მათემატიკის  ხარისხიანად  სწავლა-სწავლებისათვის    და  საგნის მიმართ  ინტერესის   გაღვივებისათვის.        

  სასწავლო   პროცესში   ისტ-ტექნოლოგიების    გამოყენებას        რამდენიმე   მნიშვნელოვანი   მხარე   აქვს,  კერძოდ:

ა)   ისტ-ტექნოლოგიების   გამოყენება ხელს უწყობს საგანთა შორის კავშირების წარმოჩენას, განსაკუთრებით იმ სასწავლო დისციპლინებში, რომლებიც  ისწავლება  ინტეგრირებულად                                                                                                                           ბ)   ისტ-ტექნოლოგიების  გამოყენება ხელს უწყობს შემოქმედობითობისა და ინოვაციური მიდგომების გამოყენებას, რაც ძალზედ მნიშვნელოვანია პრობლემებზე დაფუძნებული კონსტრუქტივისტული საკლასო გარემოს შესაქმნელად.                                                                                                   

 გ)  ისტ-ტექნოლოგიების  გამოყენებამ შესაძლებელია  ხელი   შეუწყოს   ეროვნული სასწავლო  გეგმით  გათვალისწინებული უნარ-ჩვევების  განვითარებას,  როგორიცაა ინფორმაციის  გააზრებისა  და  ერთი  ფორმატიდან  მეორეში  გადაყვანის   უნარი.                               (  მაგალითად: ტექსტური  მასალისათვის   გრაფიკული   გამოსახულების   შერჩევა  და  პირიქით:   სიტყვიერად   აღწერილი  რაოდენობრივი   ინფორმაციის გამოსახვა   და პირიქით);  სივრცული  წარმოდგენა;  თანამშრომლობის  უნარი;   სამუშაო  სივრცის  მომზადებისა,   საჭირო  საშუალებების  შერჩევის,   ისტ-ტექნოლოგიების   გამოყენება  სასწავლო  პროცესს  მიმზიდველსა  და   საინტერესოს  ხდის.  გამომდინარე  აქედან   თანამედროვე  სამყარო  ტექნოლოგიებთან   ძალიან  მეგობრობს.  მოსწავლეთათვის  მათი     საშუალებით   ცოდნის   მიღება   მოსახერხებელი  და მრავალფეროვანია.                                

 დ)   მასწავლებლის    ელექტრონული   პორტფოლიოს   წარმოებისათვის  (ელექტრონული  პორტფოლიოს  წარმოება  შემოქმედებითი  პროცესია   და    დაინტერესებულ  მკითხველს    ექმნება    ნათელი    წარმოდგენა მასწავლებლის   საქმიანობის  შესახებ,  ამიტომ  იგი  მასწავლებლის   შეფასების    ადეკვატური  ინსტრუმენტია.)                                                                                                                                                                                                                                                                                                                      

 ჩემი  აზრით  ტექნოლოგიების   გამოყენების   დაგეგმვისას   მასწავლებელმა   უნდა   გაითვალისწინოს   ძირითადი  ფაქტორები:                                                                                            

1.  მის  ხელთ  არსებული  ძირითადი   ბაზა.                                                                                             

2.  სასწავლო  მასალის   თემატიკა.                                                                                                                 

3.  მოსწავლეთა   ისტ  კომპეტენცია.

თავი III.  კვლევის   დიზაინი                                                                                                   

3.1კვლევის  სამიზნე  ჯგუფი.                                                                                      კვლევის  სამიზნე  ჯგუფია  სსიპ  ამბროლაურის   მუნიციპალიტეტის   სოფ.  ბოსტანას  საჯარო  სკოლის  V,  VII,  VIII კლასის  მოსწავლეები  და  მშობლები.

3.2  კვლევის   ვადები.

აქტივობები	სექტ.	ოქტ.	ნოემ.	დეკე.	იანვ.	თებე.	მარტ.	აპრ.	მაისი
კვლევასთან   სხვასასხვა  ფორმით  დაკავშირებულ პირთა  განსაზღვრა, საჭირო  რესურსების  მოძიება.		X
სკოლის  მასწავლებლებთან  გასაუბრება,  არსებული   პრობლემების  განხილვა		X
ლიტერატურის  მიმოხილვა/ჰიპოთეზები		X
,,უბრალო”  დაკვირვება		X
კითხვარების  მომზადება კვლევასთან   დაკავშირებული  პირების  ანკეტირება,  მოსწავლეები,  მშობლები.		X	X
მოსწავლეთა                          ფოკუს-ჯგუფი			X
მშობელთა  ფოკუს-ჯგუფი			X
ინტერვენციების   დაგეგმვა  და  განხორციელება				X		X	X	X
კვლევის  შედეგების  გაზიარება									X

კვლევის   მიზანი:   დადგინდეს  მათემატიკის     სწავლა-სწავლებაში    დაბალი  ხარისხისა   და    მოტივაციის    მიზეზები.      გამოინახოს  პრობლემის  გადაჭრის  ოპტიმალური   გზები,  შემუშავებულ  იქნას   რეკომენდაციები,     დაიგეგმოს  და  განხორციელდეს  ინტერვენციები,  რომლებიც   ხელს   შეუწყობს  მოსწავლეებში   მათემატიკის   სწავლა-სწავლების   ხარისხისა  და  მოტივაციის  ამაღლებას.                              

3.3    კვლევის  კითხვარები                          

 დაკვირვება:    საწყის  ეტაპზე   ვაწარმოებდი  დაკვირვებას,  თუ  რამდენად  ასრულებდნენ  მოსწავლეები  მათემატიკაში   საშინაო   დავალებას,  როგორ  იხსენებდნენ  წინარე  ცოდნას    და   იაზრებდნენ  ახალ  მასალას.                                        დაკვირვება   არის    მარტივი  და  პრაქტიკული   კვლევის  ინსტრუმენტი,  რომელმაც   მნიშვნელოვანი   როლი   ითამაშა   საწყის  ეტაპზე   საჭირო  ინფორმაციის   შეგროვებაში  და   პრობლემის   გამოკვეთაში.                                                                        ანკეტირება:   ანკეტირება  განხორციელდა  კითხვარების  საშუალებით,  რომლებიც   შედგენილ იქნა   მოსწავლეებისთვის  და  მშობლებისთვის.ანკეტირება  ( რაოდენობრივი  კვლევის   მეთოდი) შედგენილ  იქნა   კითხვარები,  რომლებიც   დაურიგდათ  მოსწავლეებს და  მშობლებს,  რათა  გაგვეგო   მათი  დამოკიდებულება   დასახელებულ  საკითხთან. მეთოდის   უპირატესობა   მდგომარეობდა   იმაში,  რომ   საშუალება   მოგვეცა   მიგვეღო  კონკრეტული   ინფორმაცია   პრობლემის   გამომწვევი   მიზეზების  შესახებ.                                                                                                                         

 ფოკუს-ჯგუფები:                                                                                                                                                               

  ა)   შეიქმნა   ფოკუს  ჯგუფი  მოსწავლეებისგან.                                                                          მიზანი:     გავიგოთ  პრობლემის  გამომწვევი   მიზეზები.                                                                   

ბ)    შეიქმნა   ფოკუს-ჯგუფი   მოსწავლეებისგან  და  მშობლებისგან.                                  მიზანი:    მოსწავლეთა  და  მშობელთა  შეხედულებების   შედარება   და  საერთო   დასკვნამდე  მისვლა.                                                                                                                                                                     ა)   მოსწავლეებისგან  შედგენილი   ფოკუს-ჯგუფი   დაგვეხმარა დაგვედგინა  კონკრეტულად   რა    უნარების   გაუმჯობესებას   საჭიროებდნენ   მოსწავლეები  მათემატიკის სწავლა-სწავლების  დროს  ხარისხის   ასამაღლებლად.                                         ბ)     მშობელთა   ფოკუს-ჯგუფი  დაგვეხმარა   კვლევის   წინა   ეტაპებზე    გამოვლენილი   მიზეზების   დაკონკრეტებაში   და   სამომავლოდ   რეკომენდაციების   შემუშავებაში.

თავი IV. კვლევის   შედეგები:                                                                                            

4.1  კვლევის   ჯგუფის  მუშაობა.                                                                                დაკვირვება: საწყის  ეტაპზე   მოსწავლეებზე  განხორციელდა  ,,უბრალო“   დაკვირვება,  რომელიც  ინფორმაციის  მიღების  მარტივი   გზაა  და მისი  განხორციელება   შესაძლებელია  ყოველდღიურ   სასწავლო  პრაქტიკაში. დაკვირვების  წარმოების  შედეგად  გამოიკვეთა:                                                                                                                                    

 ა)   საგნის   მიმართ  ნაკლები  ინტერსი და  მოტივაცია  დაბალი.                                               ბ)   საშინაო  დავალებას  ვერ აკეთებენ  სრულყოფილად.                                                            გ)  ახალი  მასალის  ახსნის  დროს,  ვერ  ამჟღავნებენ  წინარე  მასალის   ცოდნას.              დ)  ახალ  მასალას    ვერ  იაზრებენ    შეძლებისდაგვარად.                                                           ე)   სწავლისათვის  საჭირო  დროს  ვერ  ანაწილებენ   საჭიროების  მიხედვით.                    პირველად,   დაკვირვების  შედეგად  მივიღეთ ჩვენთვის  საინტერესო  ინფორმაცია  საკვლევი  საკითხის  შესახებ.                                                                                        ანკეტირება/მონაცემთა  ანალიზი:   კვლევის   ფარგლებში გამოყენებულ  იქნა   რაოდენობრივი  კვლევის  მეთოდები.  კონკრეტულად  კი  ანკეტირება.  მომზადდა კითხვარები,  გამოიკითხა  მოსწავლეები  და   მშობლები. შემდეგ  გაანალიზდა   მიღებული   მონაცემები  და   წარმოდგენილი  იქნა   დიაგრამის  სახით                       ანკეტირების  მონაცემთა  ანალიზის  შედეგები.                                                                                 

                                                                   

4.2  მონაცემთა   ანალიზი  დიაგრამები:        ( კითხვარი  მოსწავლეებისთვის.  )

                                                                                                     .

                   . 

 4.3 მოსწავლეთა  ანკეტირების  შეჯამება.                                                            მოსწავლეთა  გამოკითხვის  შედეგად  გამოვლინდა  ,  რომ ისინი  ტექნიკური                       საგნებით   არ  არიან   დაინტერესებული.  კერძოდ,მათემატიკის  შესწავლას  ნაკლებ  დროს  უთმობენ.ოჯახიდანაც ნაკლები  დახმარება აქვთ. გამოიკვეთა,  რომ ამ  საგნის  მიმართ  მოტივაცია  დაბალია.  საკომუნიკაციო   ტექნოლოგიები  ძირითადად  აინტერესებთ  ინფორმაციისთვის.

4.4   მონაცემთა  ანლიზი:      (კითხვარი  მშობლებისათვის)

   4.5  მშობელთა   ანკეტირების   შეჯამება.                                                                მშობელთა  გამოკითხვის  შედეგად  გაირკვა,  რომ   მოსწავლეები  ნაკლებად  არიან    დაინტერესებული   მათემატიკის  სწავლით.  ისინი  ფიქრობენ,  რომ  ყოველივე  ამას  იწვევს  გადატვირთული    პროგრამები   და  ისტ-ტექნოლოგიების   ნაკლებად  გამოყენება. თვლიან,რომ ამ  პრობლემის  გამოსწორება  არ არის  ძნელი და მიუღწეველი,  რადგან   სკოლა  სათანადოდ არის  აღჭურვილი  ტექნოლოგიებით.              მე კიდევ,  როგორც მასწავლებელი  კვალიფიცირებული  ვარ  ისტ-ტექნოლოგიების   გამოყენებაში  მათემატიკის  საგნის  სტანდარტების  შესაბამისად.  ტექნოლოგიურ   პროგრამებზე   ახალი  გავლილი  გვაქვს  ტრენინგები,  რითაც  ძალიან  კმაყოფილი  ვარ. მაქვს   მოლოდინი  დაგეგმილი   მუშაობის    შემდეგ   მოტივაცია  ამაღლდება   და  შედეგები   გაუმჯობესდება.

4.6  მოსწავლეთა  და მშობელთა   ფოკუს  ჯგუფების   ანალიზი:                                       

ფოკუს  ჯგუფების  ანალიზმა  მიჩვენა,  რომ   მოსწავლეთა  და  მშობელთა                    უმრავლესობა  თვლის   ინოვაციური  მეთოდების  გამოყენება  გაკვეთილზე  ზრდის  მოსწავლეთა  ჩართულობას საგაკვეთილო  პროცესში.  ამასთანავე   გაკვეთილი    უფრო  სახალისო   ხდება.  ყოველივე   ეს კი,   ხელს   უწყობს   მათემატიკის   სწავლა-სწავლების   გაუმჯობესებას,  მოტივაციის  გაზრდას  და   საგნის   ინტერესის  გაღვივებას.                    დასკვნა:   მათემატიკის  გაკვეთილზე  მნიშვნელოვანი   მეთოდების/  სტრატეგიების,   სახალისო  აქტივობების,  მრავალფეროვანი  რესურსების   გამოყენება  ხელს  უწყობს   მოსწავლეებში     მაღალი   სააზროვნო   უნარების   განვითარებას.

თავი  V.  ინტერვენციები                                                                                                     

5.1   დაგეგმვის   ეტაპები                                                                                                     კვლევის   შედეგების  გაანალიზების   საფუძველზე   დავგეგმე    ინტერვენციები, რომლებიც  ჩემი  აზრით  გააუმჯობესებდა  მათემატიკის სწავლა-სწავლების   ხარისხს და  გაზრდიდა   მოტივაციას   ამ   საგნის    მიმართ.    ინტერვენციების   დაგეგმვისას გავითვალისწინე,  რომ   სწორად  შერჩეული  მეთოდები/სტრატეგიები მნიშვნელოვნად  ცვლიან  სასწავლო  პროცესს,   ეს  ცვლილებები კი   მოსწავლეს  ინტერესებსა  და  შეხედულებებზე  უნდა   ყოფილიყო    მორგებული.  ამასთანავე  დაგეგმილი  ინტერვენციები   შესაბამისობაში  უნდა  ყოფილიყო  ეროვნულ  სასწავლო  გეგმასთან. შევიმუშავე  შემდეგი  სახის  ინტერვენციები, რომლებიც  ვფიქრობ,  რომ  დამეხმარა   პრობლემის   მოგვარებაში.

1.  ინტერვენციების   დასახელება:                                                                                                 მოსწავლეთა  ჩართვა  სხვადასხვა   პროგრამულ  ქსელში.                                                                  

მიზანი:  მოსწავლეთა   კომპენტეციის  ამაღლება  ისტ-ტექნოლოგიების  პროგრამების  მიმართ.საჭირო  უნარებისა  და  ცოდნის   განვითარება. მათემატიკის  გაკვეთილზე  საგნის   დაინტერესების  მიზნით  ვიყენებდი ელექტრო  რესურსებს. კერძოდ,  გაკვეთილის  დაგეგმვისას  ვიყენებდი    ,,ხანის  აკადემიას“,   www.kargiskola.ge-ს და   მათემატიკის  პაკეტს  ,,GEOGEBRA”-ს.   თითოეული მოსწავლე  დავარეგისტრირე https://learningapps.org/  -ში,  რამაც     ხელი    შეუწყოთ    მათ   ნებისმიერი    რესურსი  გამოეყენებინათ    და  მათ  შორის  ჩემს  მიერ  შექმნილიც.  რესურსის  გამოყენება  შეეძლოთ,  როგორც  სახლის პირობებში,  ასევე   გაკვეთილის  მიმდინარეობისას. ყოველივე    ამან  ხელი    შეუწყო    გაკვეთილის  დაგეგმვისას    გამომეყენებინა  ,,შებრუნებული  საკლასო  ოთახის“  მეთოდი.   მოსწავლეებს  წინასწარ   ვავალებდი  მომავალი  ასახსნელი  თემის    ვიდეოს  ყურებას,  რათა მეორე  დღეს  მათ  ამ საკითხზე  ჰქონოდა  წარმოდგენა.    ეს  მეთოდი  კარგად  მოქმედებდა  ახალი  გაკვეთილის  გაგებისთვის.  ყველა   თემას  ეს  მეთოდი   არ  გამოადგება.                                                                                                                                     ერთ-ერთი მათ  შორის   ასეთი  იყო:   https://www.youtube.com/watch?time_continue=31&v=0I4yos0wamI

2.  ინტერვენციის  დასახელება                                                                                                       გაკვეთილზე    IST-ის გამოყენება.                                                                                                                       

მიზანი:  გაკვეთილებზე  ინტერსიურად  ვიყენებდი  IST-ს.  ინტერნეტრესურსებს  ვიყენებდი,  როგორც წინარე  ცოდნის  გააქტიურებისას  ასევე  ახალი  მასალის  ახსნის  დროს. ყველაზე  ეფექტური  იყო  ინტერნეტრესურსის  გამოყენება  რაიმე  თემის  დასრულების  შემდეგ. ,,ხანის  აკადემიის“  დახმარებით  შევაჯამებდით  განხილულ  თემას  და  ბოლოს  განვიხილავდით   შესაბამისს  ტესტებს. მოსწავლეები  ხალისით  ხსნიდნენ  ტესტებს.  განსაკუთრებით  მოსწონდათ  სწორი  პასუხის   შემთხვევაში კომენტარი  ,,ყოჩაღ“  ან  პასუხის  გამწვანება.   ,,ხანის  აკადემიასაც“  და ,,GEOGEBRA”-ს  პროგრამას  აქტიურად  ვიყენებდი  სამოდელო  გაკვთილების  ჩატარების   დროს.  ერთ-ერთ  ნიმუში   ,,ხანის   აკაემიის“  გამოყენების    ასეთია:

https://ka.khanacademy.org/math/cc-seventh-grade-math/cc-7th-fractions-decimals/cc-7th-percent-word-problems/e/mark                                                                                                                                                     გაკვეთილის  დაწყების  დროს  თემას,  მიზანს  და  თემასთან  დაკავშირებულ  განსაზღვრებებს, ფორმულებს,   სურათებს  Power-point-ის  სლაიდების   დახმარებით  ვაცნობდი  მოსწავლეებს.  საჭიროების  შემთხვევაში  შემეძლო  ხელმეორედ  ჩვენების.   ყოველივე  ამანაც  ეფექტურად  იმუშავა  მათემატიკის   სწავლა-სწავლებისთვის.             

 3.  ინტერვენციის  დასახელება.                                                                                       

მე,  როგორც  მათემატიკის პედაგოგი,   სასწავლო  პროცესში  აქტიურად  გამოვიყენე   ,,ხანის  აკადემია“,  ,,geogebra“  და  ,,edmodo“-ს   პროგრამები,   რომელიც   ხელს    უწყობდა   მოსწავლეებს     საკითხების  უკეთ   შესწავლაში.    მეც  და  მოსწავლეებიც      მოვიძიებდით    სასურველ    მასალას  ინტერნეტით   პროექტების  წერის  დროს.     მათემატიკის  სახელმძღვანელოში  თითქმის  ყველა  თავის  ბოლოს   პროექტებია,  რომლის   განხილვას  და  მოსწავლეებისთვის   დავალების  სახით  მიცემას  დიდ  მნიშვნელობას  ვანიჭებდი. იყო  შემთხვევები  როცა  ისინი  თავადაც    მოიპოვებდნენ    სასურველ   ინფორმაციას   და  აკეთებდნენ    პრეზენტაციას.                              პროექტების  წერის  დროს    მივმართავდით   Power-point-ის  გამოყენებას,   რომლის მეშვეობითაც   ნათლად   წარმოვაჩენდით     სასურველ  თემას.  საჭიროების   შემთხვევაში    ვაგებდით    დიაგრამებს,   როგორც    სვეტოვანს   ისე   წრიულს.    აღნიშნულ საკითხში განვლილი მაქვს    ტრენინგ     კურსიც,    რაც    ხელს     მიწყობდა    გაკვეთილის    უფრო   მრავალფეროვნად    დაგეგმვაში.                                                                                                                                              

ერთ-ერთი   პროექტის  პრეზენტაციისას  გამოვიყენე   ახალი  ინოვაციური  მეთოდები,  რაზეც    მოწვეული  მყავდა    მშობლები.  გავაცანი  მათ   ის  მიდგომები,  რომელთა  მიმართ    მოსწავლეები  დიდ  ინტერესს  გამოხატავდდნენ.  ისინი  დარწმუნდნენ  იმაში,  რომ ისტ-ტექნოლოგიების   გამოყენებამ   საერთო  ჯამში   ეფექტურად  იმუშავა  და  მოლოდინებმა  გაამართლა.                                                                                                                 

 5.2  ინტერვენციების  მოქმედებების  შედეგების  შეფასება                                  ინტერვენციების   განხორციელების  შემდეგ  დავგეგმე  შეხვედრა  მშობლებთან  და  გავაცანი  შედეგები. სახეზე  იყო  გარკვეული  ცვლილებები,  რომელიც  მიღწეულ  იქნა  პრობლემის   მოგვარების  გზაზე,  მაგრამ არსებული  პრობლემის  სრულად  მოგვარება  ხანგრძლივი  პროცესია  და  მას  მეტი   ძალისხმევა  სჭირდება.                           განხორციელებულმა   ღონისძიებებმა  გააუმჯობესა   მათემატიკის  სწავლა-სწავლების  ხარისხი,  მოსწავლეებს  აუმაღლა  მოტივაცია  და  უფრო  მეტი  ინტერესი  გაუღვივა  საგნის  მიმართ.                                                                                                                        ცხადია,   ასეთი   და    სხვა   ახალი   ინტერვენციები  სამომავლოდ  უნდა  გაგრძელდეს  უწყვეტად.  დაგეგმილმა  აქტივობებმა  ხელი  შეუწყო  ეროვნული  სასწავლო  გეგმის   ერთ-ერთი  პრიორიტეტული  გამჭოლი  კომპენტეციების  (ციფრული   წიგნიერების)  განვითარებას.  ეს  კი  თავისთავად  ხელს  უწყობს   მოსწავლეებში   მაღალი   სააზროვნო   უნარების  განვითარებას. 

თავი VI.  დასკვნა                                                                                                                                     კვლევის  საფუძველზე  შეგვიძლია  დავასკვნათ,  რომ   ისტ-ტექნოლოგიების  როლი  მართლაც   ეფქტური  აღმოჩნდა  მათემატიკის  სწავლა-სწავლების  ხარისხის  გასაუმჯობესებლად, მოტივაციის  ამაღლებისათვის  და  საგნის  მიმართ   ინტერესის  გაღვივებისათვის. კომპიუტერი  21-ე  საუკუნის   სასკოლო   განათლების   ერთ-ერთი   უმნიშვნელოვანესი  გამოწვევაა. მოსწავლეთა  უმრავლესობა   თანამედროვე  ტექნოლოგიებს   კარგად ფლობს  და  მათი   ცხოვრების   განუყოფელ  ნაწილს  წარმო  ადგენს.მათი  სკოლისგარეშე  დროის  დიდი ნაწილი  კომპიუტერებს   უკავშირდება,  ამიტომ   მასწავლებლის   ,  როგორც   ფასილიტატორის  როლი  იმაშია,  რომ  სწორად  წარმართოს   მოსწავლეთა  მიერ  კომპიუტერის   გამოყენების  უნარი,  და   თუ  როგორ  მოხდება  მოსწავლეთა  ამ  უნარების     გამოყენება   მათ  სასარგებლოდ,  ეს   თითოეულ  პედაგოგზეა  დამოკიდებული.                                                                                                           

ჩემი  კვლევის   ანგარიში   საშუალებას   მისცემს    თითოეულ  მასწავლებელს,  კარგად  გაიაზრონ    დაგეგმილი  ინტერვენციები  და  დანერგონ  საკუთარ  პრაქტიკაში.                            

 თავი  VII.   რეკომენდაციები:                                                                                                                                         

ა)   მასწავლებელმა  კარგად  უნდა    დაუკავშიროს   ერთმანეთს  საკლასო  მენეჯმენტი  და  მის  მიერ  არჩეული  სასწავლო  სტრატეგიები  და რესურსები.                                        ბ)     რადგან  ისტ-ტექნოლოგიები  არის  ეფექტური   დამხმარე  საშუალება,  ამიტომ  გაკვეთილის  დაგეგმვის  დროს  პედაგოგმა  უნდა  გაითვალისწინოს    მოსწავლეთა  ინდივიდუალური  შესაძლებლობები,  მის  ხელთ  არსებული  ტექნიკური  ბაზა, გაკვეთილის  მიზანი  და   თემატიკა.                                                                                              გ)    მასწავლებელმა  სასურველია   აქტიურად   ჩართოს  მშობლები   თავის   მუშაობაში.   დ)   სკოლაში  დიდი  მნიშვნელობა  აქვს   აგრეთვე  მასწავლებლებს  შორის      ურთიერთთანამშრომლობას.                                                                                                                 

თავი   VIII.   გამოყენებული  ლიტერატურა:                                                                                 

1.  ეროვნული  სასწავლო  გეგმა                                                                                                                     

2.  რობერტ  ჯ.მარზანო,  დებრა  ჯ.ფიქერინგი,     ჯეინ  ფოლოქი,   ,,ეფექტური სწავლება  სკოლაში“ მასწავლებელთა  პროფესიული  განვითარების    ეროვნული  ცენტრის   მიერ   გამოცემული  თარგმანი  (2009 წელი)                                                                                                         

 3.  სასწავლო  პროცესის  დაგეგმვა   და სწავლების   ეფექტური  სტრატეგიები. (2010 წ.)  4.  ათასწლეულის  გამოწვევის   ფონდი,  ტრენინგ-კურსი:  ,,მოსწავლეზე  ორიენტირებული  სწავლება“  2016  წ. მასწავლებელთა  პროფესიული  განვითარების  ცენტრი.                                                                                                                                                      5.  ათასწლეულის  გამოწვევის   ფონდი,  ტრენინგ-კურსი:  ,,მათემატიკის  საგნობრივი  მოდული  2017 წ.      მასწავლებელთა  პროფესიული  განვითარებისის  ცენტრი.                                         

6.    საგანმანათლებლო  სოციალური  ქსელი  ,,ედმოდო“  და  სხვა  პროგრამები.                                                                                                                                                                                                                                 

დანართი   1.

საკვლევი  კითხვები  მოსწავლეებისთვის.  

1.რომელ  დისციპლინას  ანიჭებთ  უპირატესობას?                                                                           

ა)   საბუნებისმეტყვ.         ბ)   ჰუმანიტარულ           გ)  საზ.  მეცნიერებები                                                                                     

2.    გაქვთ  თუ  არა     მაღალი  ინტერესი  და  მოტივაცია  იზრუნოთ  მათემატიკის სწავლის  ხარისხზე?                                                                                                                                       

ა)  კი      ბ)არა     გ)  ნაწილობრივ                                                                                                  

 3.სწორად  იყენებთ  თუ  არა  დროს?                                                                                        

ა)  კი     ბ)არა    გ)  ნაწილობრივ                                                                                                     

4..  არის თუ  არა  გარემომცველი  საზოგადოება  (  ოჯახი,   მეგობარი,  ა.  შ.) დაინტერესებული  თქვენი   მათემატიკის  სწავლით,  რათა  თქვენზე   მაგალითის  ზემოქმედება   ჰქონდეს.                                                                                                                                        

ა)  კი      ბ)არა      გ)  ნაწილობრივ                                                                                                  

 5.  ინფორმაციის   მიღების    მიზნით   რას  გირჩევნიათ  მიმართოთ?                                               

ა)წიგნს       ბ)  ინტერნეტს      გ) ზეპირ  გადმოცემას      დ)  ყველას  ერთად                                          

 6.   არის  თუ  არა  ისტ-  კომუნიკაციების  რესურსები  თქვენთვის  ხელმისაწვდომი?                                                   

ა)   კი      ბ)არა       გ)  ნაწილობრივ                                                                                                                  

 7. გაკვეთილზე   გათვალისწინებულია  თქვენი  ინტერესები  და  შესაძლებლობები?                                                 ა)  კი      ბ)   არა      გ)     ნაწილობრივ            დ)  არ  ვიცი                                                                          

 8.    გიყვართ    თუ  არა   კომპიუტერთან   მუშაობა?                                                                  ა)  კი        ბ)  არა             გ) ნაწილობრივ                                                                                                      

 9.    მოგწონთ   თუ  არა   ისტ- ტექნოლოგიების   რესურსით  გამდიდრებული  გაკვეთილი?                                                                                                                                          ა)  კი       ბ) არა      გ)  ნაწილობრივ                                                                                                                       

10.  რა   დაგეხმარებათ  თქვენ  კიდევ   იმაში,   რომ   უკეთ   ისწავლოთ   მათემატიკა?                   --------------------------------------------------------                                                                                                 

დანართი   2.                                                                                                                                            

საკვლევი    კითხვები   მშობლებთან                                                                                    

1.  როგორ  ატყობთ,  თქვენს   შვილს   უყვარს  თუ  არა  მათემატიკის   სწავლა?                             

  ა)  კი       ბ)   არა        გ)   ნაწილობრივ                                                                                            2.  სწორად  იყენებს  თუ  არა  დროს?                                                                                                         

ა)   კი     ბ)   არა         გ)   ნაწილობრივ                                                                                                          

 3.    შეგიძლიათ   თუ   არა  თქვენს   შვილს   დაეხმაროთ   მათემატიკის   გაკვეთილის  მომზადებაში?                                                                                                                                              ა)  კი        ბ)  არა           გ)   ნაწილობრივ                                                                                                

 4.  რა  იწვევს   თქვენი  შვილის   დაბალ   შეფასებას   მათემატიკაში?                                             ა)    გადატვირთული  პროგრამები      ბ)   რესურსების  სიმწირე      გ)  სხვა                                     

 5.  რას  გამოიწვევს   მათემატიკის   გაკვეთილზე  ისტ-ტექნოლოგიების   სისტემატიური  გამოყენება ?                                                                                                                                                     

  ა)   აამაღლებს   მოტივაციას      ბ)  არ აამაღლებს   მოტივაციას    გ)  უცვლელი  დარჩება 

6.შეგიძლიათ   თუ  არა   თქვენს    შვილს   დაეხმაროთ   კომპიუტერთან  მუშაობაში?               

ა)  კი         ბ)   არა      გ)  ნაწილობრივ                                                                                                       

  7.   როგორ  მოგწონთ  თქვენი  შვილის   ინტერესი  მათემატიკის  მიმართ  წელს  შარშანდელთან    შადარებით?                                                                                                                      

 ა)კარგად         ბ)ნაწილობრივ     გ)არ   ვიცი                                                                                                    

  8.   რა  მოლოდინები გაქვთ  ჩემგან,   როგორც   საგნის   მასწავლებლისგან?                                    -------------------------------

                                                

                                                        

                        რეფლექსია                                                2018  წლის  ოქტომბრიდან  2019  წლის   მაისის  ჩათვლით   სსიპ  ამბროლაურის  მუნიციპალიტეტის   ბოსატანის  საჯარო  სკოლაში   ჩატარდა  კვლევა  ,,ისტ-ტექნოლოგიების  როლი  მათემატიკის   სწავლა-სწავლების  დროს“ (კვლევის  ხელმძღვანელი    რუსუდან   ჯოხაძე---მათემატიკის  მასწავლებელი)  ვაწარმოებდი  შეხვედრებს  მოსწავლეებთან  და  მშობლებთან.  ერთმანეთის  გარეშე  მიზნის  მიღწევა  შეუძლებელიც  იქნებოდა.   კვლევის  ფარგლებში  განვახორციელე  შემდეგი   ღონისძიებები:                                                                                                                         

1.  კოლეგებთან   ერთად  განვიხილე  პრობლემა.                                                                                 

2.  შევიმუშავეთ   კვლევის   ვადები (2018 წლის ოქტომბრიდან--2019წლის  მაისამდე)                       

3.  მოვახდინეთ  პრობლემის  გამომწვევი  მიზეზების  დადგენა.                                                        

4. შევიმუშავე  კითხვარები  მოსწავლეებისთვის  და   მშობლებისთვის.                                  5. განხორციელდა  გამოკითხვის და  ფოკუს- ჯგუფებზე  დაკვირვების  შედეგების  ანალიზი.  შედეგები   წარმოდგინდა  დიაგრამის  სახით.                                                                   

6.  მოხდა  მოსწავლეების  და  მშობლების  ფოკუს-ჯგუფების  გამოკითხვის   შედეგების შედარება.                                                                                                                                                  7.  შევაჯამეთ  კვლევის   შედეგები.                                                                                                           

8. დავგეგმეთ საჭირო  ინტერვენციები.                                                                                                       

9. გავაანალიზეთ  ინტერვენციის  შედეგები.                                                                                10. გაკეთდა  დასკვნა.                                                                                                                                        

11. გაიცა რეკომენდაციები.                                                                                                                    12. კვლევა  განხორციელდა  დადგენილ  ვადებში.                                                                                    

კვლევის  პროცესში  განვახორციელე  სხვადასხვა მეთოდები.  

კერძოდ:   

დაკვირვება,                 ანკეტირება, ფოკუს-ფგუფები.                                                                                                                                              ,,უბრალო“  დაკვირვებით  მივიღე  პირველადი  ინფორმაცია  პრობლემის  გამომწვევი  მიზეზებისა.                                                                                                                                              ჩავატარე  ანკეტირება,  შევადგინე  კითხვები  მოსწავლეებისთვის   და  მშობლებისთვის.   შევაჯამე  და  გავაკეთე  ანალიზი.                                                                                          

შევარჩიე   ორი ფოკუს - ჯგუფი  მოსწავლეებისგან  და  მშობლებისგან.  მათგან  მივიღეთ  საჭირო  ინფორმაციები, რომლებიც    შევაჯამეთ,  გავაკეთეთ  დასკვნები და   შევიმუშავეთ   რეკომენდაციები.                                                                                                            ჩემს  მიერ ჩატარებული  კვლევა   წარვუდგინე   სკოლის   პედაგოგიურ   კოლექტივს   გაზიარების  მიზნით    .პრეზენტაციაზე    დეტალურად    გავაცანი      მათ  განხორციელებული   კვლევის  ეტაპები, მეთოდები, ინტერვენციები.  მასწავლებლებმა  აღნიშნეს,  რომ    მათაც  აქვთ  მსგავსი  პრობლემები  IST-ის   გამოყენებასთან  დაკავშირებით.   ამიტომ,   საკვლევი  საკითხი  მათთვისაც   აქტუალური  იყო. შეხვედრის  დროს  მასწავლებლებმა  დასვეს  შეკითხვები,  რაზეც  ამომწურავი  პასუხი  მიიღეს.                                                                                                                                                  

ჩემთვის  ყველაზე  მეტი  მნიშვნელოვანი  იყო  მოსწავლეთა  უკუკავშირი.  მათ  აღნიშნეს,  რომ  გაკვეთილის   პროცესში  ინოვაციური    მეთოდების  და  ინტერნეტ-რესურსების  გამოყენებამ  საგრძნობლად  გაზარდა  მათი  დაინტერესება  საგნის  მიმართ,  აამაღლა  მათი  მოლოდინები.  ამბობენ,  რომ   მათემატიკის  გაკვეთილი  მათთვის   საინტერსო  და   სახალისო  გახდა.                                                                                                               

 იმედია,   კვლების  მიგნებების   და  რეკომენდაციების  გათვალისწინება   შემდგომში  ხელს  შემიწყობს  მუშაობის  წარმართვაში. კვლევის  დროს  მიღებული  ცოდნა  კი   დამეხმარება  მომავალში  მუშაობის დაგეგმვაში.                                                                          

პატივისცემით  ბოსტანას  საჯარო  სკოლის  მათემატიკის  პედაგოგი                                                

                                                                                 რუსუდან ჯოხაძე                          

                                                                                       22.06. 2019 წელი.